ஒரு பெரிய
மனிதர் வீட்டுக்கு ஒரு சாஸ்திரி வந்தார்.
பெரியமனிதர்:- வாருங்கள் சாஸ்திரிகளே,
உங்களை வரவழைக்க வேண்டு மென்றிருந்தேன். நீங்களே வந்துவிட்டீர்கள்.
சாஸ்திரிகள்:- அப்படியா, என்ன விசேஷம்?
பெரியமனிதர்:- ஒன்றுமில்லை, ஒரு தத்துக்கிளியின்
கழுத்தில் ஒரு பையன் கயிறுகட்டி இறுக்கி அதைக் கொன்று விட்டான். இதர்க்கேதாவது பிராயச்சித்தம்
உண்டா ?
சாஸ்திரிகள்:- ஆஹா உண்டு அவன் பெற்றோர்
தங்கத்தினால் 108 தத்துக்கிளி செய்து 108 பிராமணர்களுக்குக் கொடுத்துவிட்டால் அந்தப்
பாவம் தீர்ந்துபோகும். இல்லாவிட்டால் அந்தப் பையனை பார்க்கவே கூடாது.
பெரியமனிதர்:- தத்துக்கிளியின் கழுத்தில்
கயிறுகட்டி இறுக்கிக் கொன்றது தங்களுடைய மகன்தான், அதற்கு வேண்டியதை சீக்கிரத்தில்
செய்துவிட்டு வாருங்கள்,
சாஸ்திரிகள்:- ஓஹோ! பிராமண பையனா அப்படியானால்
இனிமேல் அப்படிச் செய்யாதே என்று சொல்லி விட்டால் போதும்.
(குடிஅரசு-உரையாடல் - 16.08.1925)
கருத்துகள் இல்லை:
கருத்துரையிடுக